|
Post by Bitmap on Mar 6, 2023 18:32:40 GMT
These are riddles taken from what was originally supposed to be a beginners' game called "Quid sum" from 2019 to 2022. The rules were simply. You had to describe something in Latin in the first person and other people had to guess who or what you are in both English and Latin. This brought forth a few rather nice puzzles with wide range of difficulties. Some of them were very witty, some were very hard, but there is also a wide choice of more beginner-friendly questions (that may still require you to think a bit). NB There are no answers in this thread – you'll have to find them yourself ... or ask the author.
These are almost all of Pacifica 's riddles.#1 In me alii stant, alii currunt, alii pugnant, plures autem sedent. Hi spectant, spectantur illi. #2 Per me adhibetur tabulae color. Quid sum? #3 Multos olim perniciosa portavi, unum tamen omnibus clariorem. Postea a multis gesta sum et super militum pectora rutilavi. #4 Pars rupis sum. Plurimis ante saeculis habitaculum fui. Adhuc in parietibus meis apparent imagines a priscis hominibus, qui me inhabitabant, factae. #5 Citimo astro motum eo redeo. #6 Si uno folio plus haberem, faustum essem omen. #7 Totum orbem amplector vel potius irretio. Et scientiae plurimum et plurimas nugas contineo. Tangi non possum, sed partes mei spectari, legi, inscribi possunt. Interdum ex eis qui magnis inter se spatiis distantes numquam convenerunt facio — mirum — amicos. Dic, sodes, quid sit mihi nomen. #8 Totum orbem me esse cecinit vatis Anglorum praeclarissimus. #9 Inter me candidam meque rubram bellum fuit, quo perfecto candida et rubra una facta sum. #10 Circum me fideles vertuntur sacra in urbe sitam sacroque lapide ornatam. #11 In vento flo, ut cecinit quidam. Haec si intellexeris, me mihi dabis. #12 Me alii volunt, alii nolunt; plures tamen velle se significaverunt. Olim fieri debeo nec, ut videtur, possum. Namque, ut omittam eos qui me fieri nolunt, ceteri aliter alii me fieri volunt. Propter me multum contenditur, clamatur, iurgatur; etiam bellum forense factum est. #13 Aula regis lusci sum. In me recipi credebantur felices animae eorum qui fortiter pugnantes ceciderant. #14 Bruxellas si veneris, forsitan me globosque meos novem mireris in altum sublatos. #15 In Francia nata, trans mare vecta, iam in portu stans, libertatis dicor.
|
|
|
Post by Bitmap on Mar 6, 2023 18:35:34 GMT
#16 Geminae sumus. Nos primo soli barbari gerebant, deinde alii viri, nunc autem viri feminaeque pariter. #17 Quicquid mihi opponitur, in me cernitur. Quid sum? #18 Me omnia fere quae nota sunt habent. Quid sum? #19 Ego fabulosus, ingens, perniciosus, multis bracchiis praeditus profundum maris incolo. Caveant me nautae; vae navibus quae super meas latebras navigant. Ego enim ex undis surgam, bracchiis carinam malosque complectar, totamque ratem in ima traham. #20 Caecus quidam clarus me cecinit amissum et reciperatum. Quid sum? #21 Me cecinit* poeta e meoque genere duo deus nuntios habet. *I guess I'm overusing this word in these riddles... #22 Ex me restes fiunt et fumus qui haustus inebriat. #23 Rectum sum. Manu regis teneor. Quid sum? #24 Me terga excepere servorum et puerorum improborum et monachorum paenitentium et amantum saevae veneris studiosorum. Dic, sodes, quid sim. #25 Super me nulla tuto volat avis; qua ex re nomen traho. Id nomen quod sit dic, quaeso. #26 Pecudis aut lunae aut exercitus possumus esse. Dic, sodes, quid sit nobis nomen. #27 Infra rugio, supra scintillo. In me homo nasci potest. Quid sum? #28 Meo in margine factus est olim, ut fabula fert, quasi iactus quidam maximi momenti. Quid est mihi nomen? #29 Num ego sim sunt qui dubitent. Computor tamen nec sisti possum, sumque maxima omnium pernicies rerum. #30 Ego ex innumerabilibus, crebris, fluidis solidum, léve, fragile fio. Quid sum?
|
|
|
Post by Bitmap on Mar 6, 2023 18:36:15 GMT
#31 Pulsor, figor, confodior ne ei cuius in manu sum sanguis mittatur, nec tamen ex me ullus sanguis fluit. Quid est mihi nomen? #32 In munditiam laboramus. Vehiculum tamen maleficarum esse perhibemur. Dic, sodes, quid sit nobis nomen. #33 Ego unus e quinis sum. Officium demonstrandi mihi plerumque datur. #34 Ego ferox sum, alterno fulvo alboque colore distincta. Poeta me splendere dixit. #35 Absque me esset, una omnibus lingua esset, si tamen fides fabulae habetur. #36 Ego rotundus sacrumque signum gerens insigne sum imperii. #37 Here's one that will mayhap sound confusing: Latine plurales sumus, quia nos plurales multis nobis singularibus constamus. Anglice autem singulares sumus utroque sensu, id est et eo sensu quo Latine singulares, et eo quo Latine plurales sumus. #38 Scribor, legor, nonnumquam canor. Quaternos trinosque ictus alterno. #39 Super me ambulatur, subter me fluitur. Quid sum? #40 Vnus sum ex innumeris. Super rotundum quiddam cresco. Quamquam tenuissimus sum, proverbium est etiam me habere umbram meam. #41 Venas habeo in quibus sanguis non fluit. Durum sum; attamen in varias formas secari soleo. #42 Insignia fero, in proelium feror. Si ventus est, volito. Quid sum? #43 Infantibus nascor, pueris commutor, senibus pereo. Quid sum? #44 Carpentium digitis minitor. Mei similibus olim caput sacrum ornatum est. #45 Ego magnifice in urbe magna structa divae sapientiae dedicata sum; in me Deus diversis duabus per vices religionibus adoratus.
|
|
|
Post by Bitmap on Mar 6, 2023 18:36:48 GMT
#46 Rebus haerens declaro quae sint vel cuius, quanti constent quibusve sint compositae elementis. #47 Sum certa quaedam repetitio, grata poetis. Me veteres Angli aut duobus aut tribus verbis in omni versu utique ponebant. #48 Ingratos humores sordesque sorbeo. Fragis pictum Desdemonam perdidi. #49 Cras dies dicar hodiernus. Cave tamen, coniector: de die in diem idem non ero. Responsum rectum aliud hodie, cras aliud erit. #50 Suave fumo dum agitor. Quid sum? #51 Ego sum quasi panis rotundus et planus opertus liquescente caseo aliisque edulibus. #52 E caeco colore nomen traxi. Meo beneficio muta pulpa loquitur. #53 In me venum datur* aliquid quod Latine nomen deae habet. *Volebam "venit" scribere, sed placuit esse misericordem. #54 Templum quoddam sum, saepe turritum, cuius e turre cantatur. #55 Flammis confusa, flatu formata, laticem contineo. #56 Vacuus fremo, rugio. Homo hoc sentit et me implere cupit. #57 Dentibus nodos capitis solvo. Quid sum? #58 Capillus cum proprie non sim, capillo tamen comparari possum. Etenim sum, sicut capillus, unum e plurimis. Venas autem habeo, quibus non sanguis, sed aliquid sanguini simile fluit. Nasus quidem non sum, attamen per me spiratur. Potesne quid sim enodare? Per anni tempora cresco, colorem muto, decido. #59 Sagina oneratum super ignem rotor. Quid sum? #60 Spiritu sono. Sunt qui credant me finem mundi nuntiaturam esse.
|
|
|
Post by Bitmap on Mar 6, 2023 18:37:23 GMT
#61 Domus quaedam parva sum, plerumque in alto posita. Non homo me aedificavit, non homo in me habitat. #62 A Guilhelmo olim aedificari coepta, post notissimus carcer diu fui. Proceres in me necati sunt. #63 Regnum sum, cui antiqua de gente fortissima nomen inditum. Esse me vehementer affirmo, quamquam sunt qui id ioculariter negent. #64 Nunc quaeror, nunc casu invenior. In fabulis a flammivomo custodiri dicor. #65 Nonnumquam ex eadem re e qua fumus fit fio. Mihi ipsa implicor. Multi quidem usus mei, sed et hic: ad me taedio vitae interdum decurritur. #66 #67 In mari vivo. Ex eo capta mortuaque sordes terrenorum erado. #68 Pomum durum sum. Quasi cerebri speciem contineo. #69 In me animalia caelo delabi et insanus quasi decardinatus dicitur vel, si mavis, nuces aut arienae. #70 In viscera terrae extendor; in me vitae periculo quaeruntur, ex me portantur divitiae, plerumque a pauperibus. #71 Magni sum imago, magnusque alius multiplici ferro confossus ad pedes meos cecidisse dicitur. #72 Sonans aliquem ad fores adesse significo. #73 Meo nomine audito in mentem venit suavis odoris. Alio tamen quovis nomine, ut ait vates, aeque suave oleam. #74 Castra calco. Meo nomine Romae imperatum est. #75 Me frustra humorem colligere temptes pluribus foraminibus perforato.
|
|
|
Post by Bitmap on Mar 6, 2023 18:38:11 GMT
#76 Solum nihil possum, sed si in urna plura sumus concordia, per nos ad dignitatem acceditur. #77 Ex me conflicto prima humana flamma orta creditur. #78 Prima orbem circumnavigavi. Comites habui, quae et ipsae circumnavigationi destinatae antequam orbem complerent perierunt. Magister quoque meus (vir illustrissimus) a barbaris ante periit. #79 Innumeris abhinc saeculis rex magnus, immo ingens fui, dentibus terribilis, rex tamen non tum, cum verba non essent, sed multo post tempore vocatus. #80 A fortibus non damur. Propria sine speculo difficile cernimur. Quid sumus? #81 Casu, medicina bellove factam me sunt qui pudori, sunt qui gloriae putent esse. Quidam enim me quasi indicium virtutis ostentasse leguntur. Quid sum? #82 Sum ademptio quaedam per sonorum — vel, ut planius loquar, litterarum — concursum facta. Quid vocor? #83 Nos olim penduli famosa in urbe virentes inter orbis miracula habiti sumus. Dic, quaesumus, quid vocemur. #84 Ego legor continere salvandorum nomina, Et arsurus qui misellus a mea absit pagina. #85 Sacro monte cum ambularet dux electi populi Ex me flammis refulgente vox processit Domini. #86 I think I've had enough rhyme for today. It seems to have addled my brains. Let me do this in prose. Quid sum? Porto portorque. Fertur disertissimus, cum me portaretur, caput ex me protrudens amisisse. #87 Aqua ego perturbata — Quid sum? — paene solidata Et per aestum albicata. In me siren est mutata. Fio cum aqua vehementer agitatur. Dicere licet, puto, me bullosam esse. Interdum et ex ore rabido fluo. #88 Deo volente (si quidem verum clamaverunt) inita sum paene mille abhinc annis. #89 Multum pro circulo meo, dum me expetentes contendunt, effusum est sanguinis, cum tamen quod me gerit caput inquietum iaceat. #90 Me pavebunt et pallebunt — quid sim, quaeso, praedica — Lacrimosus et flammosus consummabo saecula.
|
|
|
Post by Bitmap on Mar 6, 2023 18:39:53 GMT
#91 Ego quasi Acheruntica Roma sum sive Pantheon praeposterum. Ioannes me nominavit. Nomen Graecis radicibus constat, exitu Latino, sed Anglica praecipue in lingua invenitur, ubi etiam nomen factum commune tumultum significat. #92 Crescens caldis in partibus, Comata solo vertice, Insigne sum victoriae. Quid sim, si calles, praedica. #93 Decemplici olim a triplici Insculptas lege (quid sumus?) Vitulum per ira concita Redegit nos in fragmina. #94 Epistulam claudo aut de charta regia pendeo. Quid sum? #95 Me inclusus nullo labore ascendas et descendas, at si haerebo, magno terrore forsitan afficiaris. Quid sum? #96 Me vitro simile sed pretiosius antiqui (mirum) credebant e glacie compressa fieri. Quid sum? Nonnumquam ex me vasa et pocula fiunt. #97 Subitum de caelo corusco. Nonnulli de manu dei me mitti credunt. Quid sum? #98 Luce mea tres reges rexi. Quid sum? #99 Dura de caelo cado, terrestria minutis ictibus tundo. Quid sum? #100 Cubos demitto confestim inter se aptandos, qui probe aptati evanescunt; ubi vero cumulati summam lineam contingunt, vincitur lusor. Quid sum? #101 Per populos vagor terrorem mortemque inferens. Nigra fui quondam, posterius Hispanica, nunc coronata. Quid sum? #102 Me nunc pisces, nunc gladiator capitur. Quid sum? #103 E quadrata basi quattuor triangulis lateribus surgo. Quid sum? #104 Vbi duae vocales uno spiritu proferuntur, ego sum. Quid sum? #105 Me niti potest homo; homine eiusdem nominis nisa est olim Roma. Quid sum? This one works only in Latin, I'm afraid.
|
|
|
Post by Bitmap on Mar 6, 2023 18:42:18 GMT
#106 Simile sum inferno, eo tamen distans, quod in me non aeterno manetur. Quid sum? #107 Qui me scribit poeta dicitur; cum nullis numeris astringar, non sum tamen prosa. Quid sum? #108 Tenuior ave, quattuor alis volito. Colores meos nonnumquam mireris. Quid sum? #109 Multa saecula incognita permansi — incognita Romanis, incognita Graecis, incognita Gallis, incognita barbaris nationibus quae trans Rhenum incolunt, incognita Afris et incolis Asiae usque ad ultimas orientis plagas — cumque tandem inventa sum, aliam me esse primum crediderunt. Aliam enim petebant; me invenerunt. Quid est mihi nomen? #110 Ego sum pacis quasi volatile signum. Formam meam Spiritus assumere dicitur. Quid sum? #111 Aut meram sensus caliginem aut miras confusasque imagines infero; vires tamen recreo. Quid sum? #112 Calida sum et Indiae quodam modo similis. Primi sapientes ex me provenisse dicuntur. Quid est mihi nomen? #113 Fluore tempora metor. Quid sum? #114 In crinibus funibusve nunc temere, nunc scite implicor. Quid sum? Solve me! #115 Per me flumen nobile fluit. Longissime latissimeque extendor; ingens sum sed, eheu, minuor, caedor, quae pulmones dicar telluris esse. Quid sum? #116 Candentem comam post me traho. Morituris pauperibus certe non fulgeo, at nonnumquam (ut quidam crediderunt) principibus. Quid sum? #117 Me qui colunt, multas quaestiones solvere tentant, interdum inexplicabiles. Cultorum meorum mentione facta, nonnulli barbatos sibi fingent. Carcere inclusum quondam consolata sum. Quid sum? Beginner-friendly version: Qui me colunt, multas quaestiones solvere tentant. Eae quaestiones nonnumquam inexplicabiles sunt. Nonnulli eorum, qui me coluerunt, barbas habuerunt. Alicui olim, qui in carcere erat, solacium dedi. Quid sum? Sum quidem insula, sed non Cyprus. Nomen mihi e quadam sollemnitate inditum est. #118 E quattuordecim consto constantibus e quinis, qui et ipsi constant e binis, quarum fere primae leniores, secundae validiores. Nominare me vix poteris nisi barbare. Quid sum? Illi quini generale nomen habent idem quod quaedam corporis pars. #119 Valido principio ego capto in lenius descendo. Legeris si certo modo memet hic videbis. Profer, quaeso, quid sit mihi nomen. #120 Parvus durusque sum. In quodam libro pueri me (et alios mei similes) in condiscipulos iacere narrantur. Quid sum?
|
|
|
Post by Bitmap on Mar 6, 2023 18:43:01 GMT
#121 Quam pretiosum sum ego, quam splendidum! Nec vane glorior: quid non faciat homo mei impulsus fame? Dic, homo, quid sit mihi nomen. #122 In me impressa sunt vultus et membra, quae alii omnium reverendissima credunt; alii autem aiunt recentiorem me esse quam ut haec illa vere membra vultusque sint. Quid sum? #123 Celebri in loco sita sum, ad imitationem antiquitatis facta, alia tamen ex materia. Ego translucida sum, illae antiquae non. Quid sum? #124 Frica me ut flagrem et fragrem inferno! Quid sum? #125 Me plerumque gerebat caput quod servile fuerat, sed iam non erat. Quid sum? #126 Tundor, tundor malleo; ad hoc enim facta sum. Tundor ut fiant alia. Quid sum? #127 Me cantant quorum insigne rosa rubra vel vexillum rubrum est. Quid sum? #128 Non est deus mitis meus, cuius ego nomine Sum vocata, colorata, sicut ille, sanguine. Care lector et coniector, quae sim, quaeso, loquere. Nec sum sola deinoma quae revolvar aethere. Tortuoso, tenebroso numquid haec aenigmate Sunt contexta, tam perplexa ut non possis cernere Quam rotundam, rubicundam velint rem depingere? #129 Qui raperent (quid sum?) mea cara volumina nuper Quanta hominum trepidum flumina conspiceres! #130 Ego salsissimum sum. Prope me volumina notissima inventa sunt. Quid est mihi nomen?
|
|
|
Post by Bitmap on Mar 6, 2023 18:43:52 GMT
#131 Timuit nauta intra mea tria latera navigare. Quid sum? #132 Orbi toti circumdatus, ut septentrionales tradiderunt, meam caudam mordeo. Dic, quaeso, quid mihi sit nomen. #133 Inflor ut caerula sulcentur. Quid sum? #134 Regis tactu sanari olim credebar. Quid sum? #135 Ego affirmo (nam experimento didici) prophetas haud facile concoqui. Quid sum? #136 Latine bibor, Anglice magnam terram guberno. Quid est mihi nomen? #137 Unus eorum sum qui a Christo nato computantur. Meo in cursu clades incolis cuiusdam insulae accidit, propter quam eorum lingua quasi infecta est. Quid sum? #138 In me quiescit regina clarissima, sui generis ultima, de qua inter alios fabulam eximiam eximius poeta scripsit. Nemo scit ubi sim. At quid sim, fortasse tu, lector, scies. #139 Nunc hilares, nunc lacrimabundos, nunc rixabundos, saepe stultos facio; nonnulli illicitum me putant. Quid sum? #140 Quattuor plerumque pedes habeo nec tamen ambulo. Sessio magis mea est quam ambulatio. Quid sum?
|
|