|
|
Post by Bitmap on Mar 6, 2023 19:15:44 GMT
These are riddles taken from what was originally supposed to be a beginners' game called "Quid sum" from 2019 to 2022.
The rules were simply. You had to describe something in Latin in the first person and other people had to guess who or what you are in both English and Latin.
This brought forth a few rather nice puzzles with wide range of difficulties.
Some of them were very witty, some were very hard, but there is also a wide choice of more beginner-friendly questions (that may still require you to think a bit).
NB There are no answers in this thread – you'll have to find them yourself ... or ask the author.
These are the riddles I wrote in verse.#1 quid sum? Vergilium perhibent docuisse Camenis, quo modo me facerent: me peperere boves. uberibusque ortus premor et mihi forma manebit.
me temere at fruges ante fruare cave! #2 Quid sum? nusquam ego sum sine tecto: terga penates nostra ferunt; tardo serpo per arva gradu. #3 quid sum? me iaciunt cupidi mea puncta videndi. (unum et quinque quater sunt mihi puncta data) #4 tot peperi natas — Niobe mihi vincitur ipsa — tecta quibus sparsis orbis ubique dedit. iam defuncta diu tacita fruor ipsa quiete; non tamen est tumulus: mortua viva feror. viventi imperium mihi di sine fine dederunt,
quo cuiusque fere civis in ore fui. #5 me permota gravi puero dat amore puella, dilectaeque puer; dor quoque lite deae! mole mea tractum mea ubi suspendia solvi,
'inveni' quidam 'vim gravitatis!' ait. #6 This should be slightly easier to understand than my last one: dauca cibo mihi sunt, salioque herbosa per arva. dicunt ferre pedes fata benigna meos. #7 aurea caeruleo bis sex fulgentia caelo signa quidem pacis circite posta sumus.
|
|
|
|
Post by Bitmap on Mar 6, 2023 19:23:04 GMT
#8 quid sum? me Caesar promptus praebebat adultro. nunc quoque multi ex me nomina saepe trahunt. Who or what am I? #9 This one has two possible pentameters ... the first one makes it a bit harder (though probably not for you), the second one should make it clear (or maybe not, dunno  femina visa aliis, aliis sum visa virilis; ut noctu niteam lux aliena facit. iamque ego decresco quae modo plena fui. #10 lumine nos luget novior lacrimante poeta. (tam novus ut doleat nescius ille metri) #11 vox mea "vox populi" est – Germani talia dicunt ... meque putant stolidam, meque libenter edunt  me quoque carminibus docti cecinere poetae! sunt quibus et videor bestia diva viri. #12 quid sum? sacra vocor, summis sum dedita divis. in me aras statuunt. mi genus usque fluit. #13 quid sum? non videor. moveor vibrantibus undis. auxilioque videt bestia caeca meo. #14 quid sum? terga premens mea transiit Hannibal Alpes. dentis propter ebur nos homo saepe necat. |
|
|
|
Post by Bitmap on Mar 6, 2023 19:25:35 GMT
#15 quid sumus? adsiduus nos ducit nauta per undas, flaminis immotum si maris aequor eget. #16 quid sumus? infelix nobis pater effugit usus, dum sua dat lapsus nomina natus aquis. #17 quid sum? me nitidae quidam caluisse cerebrum inclusum cecinit tigridis igne meo. #18 quid sumus? antiquum facies imitamur avorum. nascimur ex ceris emoriente viro. #19 quid sum? disparibus calamis sum facta paludis; meque inflans custos carmina pangit ovis. #20 quis sumus? armigeras rattus nos imbuit arte Iaponica; subter vivimus urbe nova. cortice cinguntur viridissima corpora duro; lata cloaca domus, pressa placenta cibus. I can do that in German  Wér sind wir? wáffenbewéhrt unterwíes eine Rátt' uns der K´ünste Jápans. Wir lében verstéckt únter der néueren Stádt. Fést umg´ürtet sind wír am gr´ünlichen K´örper von Pánzer. Tíef in der Gósse zu Háus' réicht uns die Pízza zum Schmáus. #21 quid sim scisne? Deo feror esse potentius ipso, peius et infernae sceptra tenente domus. possidet esuriens me qui mendicat abunde; cura mei minime divitioris eget. |
|
|
|
Post by Bitmap on Mar 6, 2023 20:30:47 GMT
#22 quid sum? me sibimet Neptunius induit heros. luminibus videor linea ducta tribus. #23 quid vocor? usque eadem sermonibus hortor eisdem. nuntius adferri me comitante solet. ante tuos, lector, – me nonne agnoscis? – ocellos versor et in scriptis sum manifesta tuis. sunt quoque qui renuunt mea munera, meque negata nuntius ut nudus sit sine veste volunt. #24 imposita est – quid sum? – facies mihi mixta colubris; bellica virgineae pectora cingo deae. #25 ingredior – quid sum? – quasi nomen imagine verbi. meque tibi mandat, charta, parata manus! #26 quid sim, scisne? mihi gradibus licet ire duobus immoto; moto pes mihi tardus erit. praesidiumque ducis crudis ego comminus hostem aggredior telis proelia obliqua petens. saepe via facta nova – vir modo! – femina fio, ni tribuit celeris rex mihi corpus equi. vera loquor! mihi crede! novas mea corpora formas accipiunt; si vis, ardua turris ero! solus non gradior: fratres confligimus octo prima acie fortes cordibus, arma leves. mente manuque trahor. quae fit sine sanguine, pugnae bis quater octo dant lignea quadra locum. #27 ecce genas – quid sum? – foveo (bene tonsa) viriles. femina saepe meum submovet ore decus. tondeor et rador – facies me nuda negata est. crassa pilis crescens saepius hirta vocor. |
|
|
|
Post by Bitmap on Mar 6, 2023 20:35:47 GMT
#28 quid sum? quidquid ages itidem me iterare videbis; temet et in specie noveris ipsa* mea. (*vel ipse) #29 quid sum? me poteris versato ex aedibus ire: flexibilis moveo sustineoque fores. #30 quid sum? nostra fores flatu decardinat ira, cumque suis foribus frondea tecta ruunt! nec paries valido flandi mihi buxeus obstat: terrori suibus fabula me esse refert. #31 montibus exorimur, pelago sepelimur in alto; gentibus antiquis credimur esse dei. #32 quid sum? me pariter beluaeque hominesque fruuntur. frater leti – etsi me recreere – vocor. #33 quid sum? multa cavo complector corpore: vina, urinam, flores intus habere feror. #34 quid sum? me fugiunt tenues crescente capilli. vere virens nascor – frigida tollit hiems. me premitur facies; me se induit arbor amictu: discrimen species non (nisi flector) habet. sum decori arboribus; rami me oriente virescunt vere; sed autumno tempore flava cado. sum decori capiti, decus id si dicere possis: crescere sulcosum, crinis ubi ante fuit. #35 litibus et causis – ego quid sum? – tertius addor; percussusque gravis causa doloris ero! folliculo latito gemino cum fratre; nocentes saepius esse reos me referente liquet. me caret (exsultet!) mulier, quae nesciet umquam, quis sit calce aliquo me quatiente dolor! |
|
|
|
Post by Bitmap on Mar 6, 2023 20:36:49 GMT
#36 quid sum? me minime quicquam praesente negabis! nam quae quaesieris recta fuisse probem. nulla quidem quam me vir verba libentius audit si rogat electam: 'nubere visne mihi?' #37 quid sum? corpus hominum foveo calore; cuius ne sit nimium madeo umore. Theodiscis videor continere omen: quod me enim percutis, michi datumst nomen. #38 quid sum? sunt qui me vocant verbum tolerandi; alii me nominant verbum apportandi. incole Britannie (quo ne tene cursum!) tante sunt stultitie ut me putent ursum. variis ex stirpibus verbum sum creatum odio discentibus ... #39 quid sum? in me nititur senex imbecillus; mequ', ut eat, utitur, claudicans faciljus. me magister sustinet, res ut demonstretur; idem et me adhibet, classem ut hortetur: instruens discipulos veteri e more me iuvante digitos afficit dolore. #40 quid sum? me presidio tecta sunt firmata, domus me compositâ fit edificata. michi cementarius collocat sorores: porcellorum reddimus edes tutiores. #41 nec structor, nec naupegus, nec me faber ullus firmius (haud dubium est!) aedificare potest. stabit quippe domus mihi facta perennior aere usque quoad – quid sum? – venerit illa dies. quis ego sum famulo, de me non saepe queruntur: in solido facio tecta quieta solo. #42 quid sum? muneribus me dicunt crescere; vino usque frui venas me medicante licet. pars ego sum ventri, rapio de sanguine tabum. vivum me insipiens esse Britannus ait. |
|
|
|
Post by Bitmap on Mar 6, 2023 20:38:14 GMT
#43 quid sum? duobus ictibus ternis humum pulso. cothurnis fabulis comoediis inesse solitus ante ocellos sum tuos. #44 undecim mihi Lesbius poeta syllabas dedit inchoanti, eisque adiecit totidem, novem sequuntur mutatis pedibus, decemque versu ultimo potes invenire – quid sum? exordio insunt hendecasyllabae duae meopte, quas sequitur levi completus aequitate versus. desinis, ultime, ditrochaeo! #45 usque me ferit maris unda – quid sum? maesta narro: me saliens relictâ traditur reiecta petisse mortem Lesbia vates. #46 quid sum? Francogallice vocant me amentem elephantum Russice Cimbrice currentem. flamen ego Angliis sum episcopalis. via mea quoquo vis est diagonalis sexaginta quattuor tabule lignose quadris celer moveor artificiose. #47 me nóstĭn? egére putó me nómin(e) adhúc Latió – quod s(i) ínveniés libet út mihi dés, datóque fruár tituló! #48 quis sum? vates laudibus celebrabar — idem nunc parare possumus ne enigma quidem. carmina vulgari nos scripsimus sermone. iimus ad inferos comite Marone. scripsimus comediam nomine divinam. resurrectus sum ut iam elephantus vivam. #49 scripsimus comediam nomine divinam. resurrectus sum ut iam elephantus vivam. |
|
|
|
Post by Bitmap on Mar 6, 2023 20:38:56 GMT
#50 sum rotundum et fecundum protectumque cortice delicatum – quid sum? – natum ex galline podice. #51 en! tam dulce ego sum: me Sarah est dulcior una. quid sum? gnavarum me facit agmen apum. #52 I think there is no classical Latin word for this ... quid sum? me birotam nasalem forte vocabis ... stulte! insulse! vides acrius arte mea. #53 quid sumus? in chartis, de rebus certior actis,impressae, distans, mittimur, ut sit homo. Sorry for the fracturing. the bold parts belong together. #54 quid sum? decor anulo fortiter compressus factus ex carbonio terra sum egressus. homines m'inveniunt vix rarissimeque; me gestantes lete sunt femine piceque. #55 quid sumus? in capitis latere, ecce, haeremus ut ansae; in fabulaque volanti elephanto nos sumus alae. #56 sum quod eris; quod nunc es, eram, multosque per annos incresco; nomen scisne, puella, meum? disputat annosam Cicero narrante Catone me nanctus mihimet dedidit ille librum. (me is apo koinu) |
|
|
|
Post by Bitmap on Mar 6, 2023 20:39:59 GMT
#57 quid sum? in me nuntios mittitis nugales; novos, qui sint inter vos, renuo sodales! vertitis sententias, decus ut sint cuti; res et ad grammaticas me licebit uti. #58 ex oculis – quid sum? – tristi delabor in ore. me quoque Nasonis littera tincta fuit. #59 Quid sum? sum realis, sum irrationalis; apud quosdam hominum sum transcendentalis. ab n=zero gradiens summa primae partis (infinitum adpetens) sum n facultatis. inter duo et tria infinite tendo: laus sit tibi, Noctua, in m'inveniendo! #60 quid sum? indoles superba me duorum genuit: alter mihi dedit verba, alter cantum addidit. ignem memoro deorum, unitatem hominum. civium Europaeorum omnium in ore sum. #61 quid sum? dor populo (ludis a regibus addor), ut taceat – sine me deberent esse placentam. #62 quid sum? vertor humi, mea nomina et inde trahuntur; utque ferunt, volucris me bene mane rapit. #63 quid sum? fronte gero titulos, in corpore signa. scrinia Lar mihi sunt. explicor atque legor. |
|
|
|
Post by Bitmap on Mar 6, 2023 20:40:32 GMT
#64 onus porto hominum, quod mi cumque datum. olim fovi Dominum in presepe natum. 'culum' volgus nominat me Americanum; Sarah meum nomen dat
Marko (quam profanum!). sum re vera bestia capite aurito; clamo nihil ni 'i-a'. scin quid sim? dic cito! #65 morbi detestabile sum acuti omen. gerit rex in capite, quod dat mihi nomen. homini infestum sum, subdolum, letale, nec adspicior. quid sum? _ _ _ _ _ - _ _ _ _ _ _ _ _ #66 qui locuntur Anglice nos habent pro ave. illud nomen minime aptumst! (etsi suave). tu ne nos credideris – caveas! – alata; nam humani generis sumus, nec pinnata! #67 magna favere mihi – quid sum? – duo numina dicunt: alter tela ferox, altera mente potens. #68 quid sumus? in niveo plano nos quinque rotundos caeruleo et flavo et nigro viridique rubroque esse colore vides. tamen hoc prohibente Corona gentium in obtutu nolentes desumus anno. #69 quid sum? te excrucio, tibi si male facta cohaerent! edormire tamen te satiata sino. #70 fronte imposta gerit nos mas nonnullus ut arma; dicimur et capiti – quid sumus? – esse decus. nos nec nulla suo superaptat femina culo credens conspicuas nos decorare nates. |
|
|
|
Post by Bitmap on Mar 6, 2023 20:40:57 GMT
#71 quid sim, scisne? mea prima florente iuventa serpere me per humum cernis et ēsse sata. pasta satis foliis tandem chrysallide velor, mutatoque redux corpore pervolito. #72 rustica me (quid sum?) cecinere animalia fundi seditione rubra: bos, ecus, anser, avis*. *avis ~ "turkey" here ... not the best word, probably, but it had to <scan>. #73 quid sum? longus sum; brevis at Fortuna meorum – nam brevis et pernix impetus hostis erat: Mars erat adversus, nec erat clementia victis "vita"que clamabant "sit tibi, longe, brevis!" vae mihi! solus sum, qui infestis cingor ab armis! omnes et socii iam cecidere mei! mox ego si peream, tamen haud superabor inultus! casuro brevium turba cadat mecum! #74 quid sum? tibi ponor in ano – ita prodero genti humano: febricosa num sis, me certior fis. mens sana in corpore sano! #75 si quis est in luctibus, si quis consternatur, mos est, usque ut in nos caput illidatur. dic quid simus, ante nos queritur amator clausas. ne compilat vos, facimus, furator. #76 quid sum? tres mihi sunt partes; in mure premendo prosum; nec nulli dicor inesse pedi. #77 quid sim, scisne? gravi me tundit malleus ictu, ut tenerum grato mandar in ore tuo. perniciem vitulis me panis cingit et ovum. Austria me genuit. nomina secta gero. #78 ego vobis omnia dedi: solem ventumque, nec parca fui. ubi ego eram, vita erat. quidquid estis, me gubernante estis. ego vos numquam reliqui. etiam cum mundus alsit, vos aestuastis. mater multorum vos protego bracchioque potenti porto. ego semper recte dico, et haec, o sodales, vera manebunt: is, qui pro iustitia pugnat, semper recte dicit contra fraudem et servitutem! is, qui vitam offendit, vel stultus vel malus est; is autem, qui gentem hominum defendit, semper recte dicit! ex Ulianovi animo nata cresco ab Iosepho confirmata: quidnam sum? quidnam sum? quidnam suuuuuuuuuuuuuuuuuuuuuuuuuuuuuuuuuuuuum? ego numquam vobis blandita sum, etiam si vobis animus defecit pugnantibus; ego tantum vos mulsi dicens "nolite pavere!" quo dicto recreati fuistis ad novas viris. num quid dolor et labor intersunt, si bona efficimus? si pro pauperrimis huius terrae pax et libertas cogitur? ego semper recte dico, et haec, o sodales, vera manebunt: is, qui pro iustitia pugnat, semper recte dicit contra fraudem et servitutem! is, qui vitam offendit, vel stultus vel malus est; is autem, qui gentem hominum defendit, semper recte dicit! ex Ulianovi animo nata cresco ab Iosepho confirmata: quidnam sum? quidnam sum? quidnam suuuuuuuuuuuuuuuuuuuuuuuuuuuuuuuuuuuuum? |
|
